Чанде пеш дар маҷаллаи Frontiers in Nutrition тадқиқоти олимони Британия дар бораи чӣ гуна фишори баландро паст кардани какао нашр шуд. Хулосаи он: фишорбаландҳоро месазад мисли дору ин нӯшокиро низ пайваста рӯзе 1-2 финҷон нӯшанд. Ва беҳтараш бе шакар.
Қобилияти аз ҳисоби миқдори зиёди флавонолҳояш фишорро паст кардани какао пештар ҳам маълум буд. Аммо феълан олимони англис бори нахуст нишон доданд, ки флавонолҳо дар ду марҳила амал мекунанд ва бо ҳамин фишорро ба муддати тулонитар паст мефуроранд — тақрибан 12 соат. Дар марҳалаи аввал пастшавии максималии фишор баъди тахмин 3 соат ба вуқуъ меояд, дар марҳалаи дуюм — пас аз 8 соат. Ин бозёфти басо муҳим аст, зеро як финҷон какао метавонистаст рӯзи дароз таъсир дошта бошад.
Бинобар ҳамин пайваста нӯшидани какао натанҳо ба фишорбаландҳои собиқадор муфид аст, ҳамчунин ба нафароне, ки фишори сарҳадӣ доранд, яъне он баланд, вале аз 130-140/90 мм с/с зиёд не. Какаонӯшӣ зарурати ба дорухурӣ гузаштанашонро ба таъхир мегузорад. Какао барои ашхоси солим ҳам нӯшокии олиҷаноб аст: фишорашонро намефурорад, гузашта аз ин, барои тамрини рагҳо воситаи беҳтарин бошад.
Таҳияи Муҳаммадраҷаб БЕРДИЁРОВ
