10 январи соли 2026 бо дастгирии ректори Донишгоҳ, доктори илмҳои тиб, профессор Муҳиддин Н.Д., дар Пажӯҳишгоҳи тибби бунёдӣ қадами муҳим дар рушди аутотрансплантологияи ватанӣ барои беморони кӯдаки гирифтори лейкоз гузошта шуд. Кормандони шуъбаи ҳуҷайраҳои бунёдӣ бори аввал ҳуҷайраҳои мезенхималии хунро аз як бемори 12-солаи гирифтори лейкоз ҷудо намуданд.
Ин рӯйдод аҳамияти бузурги илмӣ ва клиникӣ дорад, зеро истифодаи ҳуҷайраҳои худи бемор дурнамои навро дар табобати бемориҳои онкогематологӣ мекушояд, хавфи бемори (иммунологӣ)-ро коҳиш дода, самаранокии терапияи барқарорсозиро баланд мебардорад. Ҳуҷайраҳои мезенхималии бадастомада дар оянда метавонанд барои таҳияи усулҳои инноватсионии терапияи ҳуҷайравӣ ва барқарорсозии беморон пас аз бемориҳои вазнин истифода шаванд.
Гирифтани хун ва ворид намудани ҳуҷайраҳои мезенхималӣ аз ҷониби дотсенти кафедраи бемориҳои кӯдаконаи №3 Муҳамаднабиева Ф.А., Саидов Ҳ.Ш. ва муовини сардухтур оид ба бемориҳои кӯдаконаи ММТ ҶТ «Шаҳраки Шифобахш» Гиёсов Ҳ.А. анҷом дода шуд.
Ин марҳила оғози як самти нави тадқиқотиро ифода менамояд, ки ба ҷорӣ намудани технологияҳои муосири биомедикӣ дар амалияи соҳаи тандурустӣ равона гардидааст.
