Ғизо барои кӯдаки аз 12-моҳа боло

Пюре бо нахўди наврасида

Тарзи тайёр на­мудан:

1. Нахӯди наврасидаро дар оби гарм 2 соат нигоҳ до­ред. Донаҳои нахӯд дар об то 3 маротиба калон мешаванд.
2. Дар оташи паст ба муддати 45 дақиқа нахӯдро ҷӯшонед.
3. Дар ҳолати гарм буданаш лат занед ва пюре кунед.
4. Каме хунук кунед.
5. 2 қошуқи ошӣ пюреи нахӯдӣ ва 2 қошуқи ошӣ ҷурғотро ба пиёла андозед ва то мисли маска мулоим шуданаш лат зада, омехта кунед.
6. Мувофиқи табъ як қошуқча равғани растанӣ илова кунед.

Пюреи нахӯдиро барои гуногу­нии ғизо ба кӯдаки аз яксола боло дар як ҳафта як маротиба хӯрони­дан тавсия дода мешавад.

Ҷурғот бо меваҳо

Тарзи тайёр намудан:

1. Меваҳоро тоза шӯед.
2. Майда реза кунед.
3. Ба зарфи алоҳида андохта, бо ҷурғот омехта кунед.

Олади бо брокколи

Тарзи омода намудан:

1. Ба зарф орд ва шакарро ан­дохта, дар миёна холигӣ монед.
2. Тухмро дар зарфи алоҳида хуб лат занед.
3. Ширро ба тухм илова карда, хуб омехта кунед.
4. Пасон ба болои орд рехта, омехта кунед.
5. Агар хамиратон бениҳоят ғафс шавад, якчанд қошуқча об илова кунед.
6. Дар зарфи алоҳида брокколиро як -ду дақиқа ҷӯшонед. Зиёд наҷӯшо­нед, ки рангаш ҷигарӣ шуда, хусусияти фо­иданокиашро гум мекунад.
7. Брокко­лиро майда реза кунед.
8. Ба як пиёлаи алоҳида хамири омо­дашударо гирифта, 3 қошуқ брокколии ҷӯшонидашудаи реза­кардаро илова кунед.
9. Пиёз ва булғориро майда реза кунед.
10. Дар зарфи тафсон ( сково­родка) як қошуқ равғани офто­бпараст андохта, онро 10- 15 сония гарм кунед.
11. Каме пиёз ва каме қалам­фури булғориро то беранг шудан пазед.
12. Онро ба се қисм тақсим кар­да, ба болояш як қошуқӣ хамири бо брокколи омехташударо резед.
13. Дар оташи миёна пазед.
14. Агар дар ха­мир ҳубобчаҳо пайдо шаванд, тарафи дига­ри оладиро гардони ­да як- ду дақиқаи ди­гар пазонед.
15. Ҳамин тариқ ҳамаи ха­мири омодакар­даатонро то тамом шуданаш пазед.

Оладиро ба кӯдак ҳамчун хӯро­ки иловагӣ бо ягон намуди мева, сабзавот ё шири гарм хӯронед.

Хўриш бо лаблабуи сурх, картошкаи кўфта ва тухм

Тарзи тайёр намудан:

1. Сабзавотҳоро тоза шӯед.
2. Картошка ва лаблабуро бо пӯсташ дар зарфҳои алоҳида ҷӯ­шонед.
3. Тухмро низ нағз ҷӯшонед.
4. Дар зарфи дигар кабудиро майда реза карда, бо ҷурғот омехта кунед. Рӯяшро пӯшида, дар яхдон нигоҳ доред.
5. Вақте ки картошка ва ла­блабу мулоим шуд, пӯсташро ҷудо кунед.
6. Картошкаро лат занед.
7. Лаблабуро бо турбтарошак майда реза кунед.
8. Тухмро майда реза кунед.
9. Сабзиро дар ҳолати хомӣ аз турбтарошак гузаронед.
10. Як қошуқ равғани растанӣ андохта, бо тухм омехта кунед.
11. Сабзавотҳои резашударо бо картошкаи кӯфта омехта кунед.
12. Ҷурғотро аз яхдон гирифта, бо хӯриш омехта кунед.

Хӯриши омодашударо ба миқдо­ри ним пиёла метавонед ба кӯдак хӯронед. Инчунин Шумо мета­вонед ба ҷои картошка биринҷ ё марҷумак ё макарон истифода баред.

Картошкабириён аз кар­тошкаи ширини мањаллї

Тарзи тайёр наму­дан:

1. Картошка­ро аз пӯсташ тоза кунед ва тоза шӯед.
2. Муво­фиқи хоҳи­ши дилатон реза кунед.
3. Равған­ро нағз гарм кунед.
4. Картошкаро то пухтанаш бирён кунед.
5. Дар гармиаш барои хӯрдан пешниҳод кунед.