Тавсияҳо оид ба ғизодиҳии иловагӣ барои кўдакони аз 9 то 11-моҳа

Дар як рўз то 4 маротиба, ду намуд ғизои асосӣ ва ду намуд хўриш (салат) бояд ба кўдакон дода шавад. Аз ним пиёла оғоз кунед ва оҳиста -оҳиста то ним коса расонед. Шавлаи ба қадре ғафс ё пюре, хўроки бо даст хўрдашаванда ё резакардашуда низ бояд ба ратсиони кўдак илова карда шавад.

Дар ин синну сол метавонед ғизо аз донагиҳои наврасида, лў­биёи сафед ва мош омода кунед. Додани ғизо аз маҳсулоти чорво, гўшт, гўшти мурғ ва моҳӣ ҳатмӣ мебошад. Синамакониро бошад, аз рўи хоҳиши кўдак мунтазам идома диҳед.

Моши латзада бо сабзӣ, каду ё лўбиёи сафеди маҳаллӣ

Тарзи тайёр намудан:

1. Мошро тоза карда, нағз шўед.
2. Дар об як соат тар карда мо­нед, то ки пўсташ мулоим шавад.
3. Моши таршударо ба зарф (ко­стрюл)-и обдор андозед.
4. Ба он чоряк ҳиссаи пиёзро илова кунед ва 20 дақиқа ҷўшонед.
5. Баъдан сабзии резакардашу­даро илова намоед.
6. Сарпўши зарфро маҳкам кар­да, дар оташи паст 15 дақиқаи ди­гар дампаз кунед.
7. Миқдори обро назорат карда истед, агар лозим шавад, об илова кунед.
8. Мулоим шудани мош ва сабзиро бо қошуқча санҷида бинед, моши омодашуда бояд осон лат зада шавад.
9. Дар зарфи алоҳида (сковород­ка) як қошуқ равған андохта, боқи­мондаи пиёз, помидори латзада ва кабудиро андозед.
10. Дар оташи паст то соус шу­данаш дампаз кунед.
11. Ба мош ва сабзӣ соусро ило­ва карда, омехта кунед ва хуб лат занед.

Хўроки омодашударо дар ҳолати муътадил, то ним пиёла ба кўдака­тон хўронед.

Ба ҷои сабзӣ метавонед каду ис­тифода баред ва ба ҷои мош бошад, лўбиёи сафеди маҳаллӣ истифода баред.

Гўшти қимаи дампаз бо сабзӣ ва биринҷ

Тарзи омода намудан:

1. Сабзавотҳоро тоза шус- та, мувофиқи табъатон реза кунед.
2. Зарф (сковородка) -ро гарм карда, равған андозед.
3. Вақте ки равған гарм шуд, ба он пиёзи резакардашударо илова намуда, 10 сония бирён кунеду омехта карда истед.
4. Қимаи гўштро илова намуда, то ҷигарӣ шудани рангаш омехта карда истед.
5. Помидор ва сабзиро илова карда, сарпўши зарфро пўшонед.
6. Дар оташи паст 20 дақиқа дампаз намоед.
7. То он даме ки ғизо дампаз шуда меистад, биринҷро ҷўшонед.
8. Биринҷро тоза шуста, ба зарф оби гарм ва 1 қошуқча равған ан­дозед.
9. Дар оташи паст 10 дақиқа ҷў­шонед, миқдори обро назорат карда истед.
10. Биринҷро бо қошуқ санҷида бинед, биринҷ бояд чунон пазад, ки лат заданаш осон бошад.
11. Ду қошуқ биринҷи ҷўшони­дашудаи латзадаро бо гўшти қимаи дампазшудаистода андозед ва нағз омехта кунед.

Ба ҷои биринҷ метавонед марҷу­мак, наск, картошкаи кўфташуда, картошкаи ширин (батат) ва ҷав ис­тифода кунед. Ба ҷои гўшт бошад, метавонед лўбиёгиҳои наврасидаро истифода баред.

Котлет бо гўшти гов

Тарзи тайёр намудан

1. Нонро дар шир тар кунед.
2. Гўштро аз гўштқимакунак гу­заронед.
3. Нони дар шир таршударо низ аз гўштқимакунак гузаронед.
4. Ба маҳсулоти омодашуда шир, маска ва кабудӣ илова карда, ҳама­ашро омехта кунед.

5 . Котлетҳои хурдтайёр кунед.

6. Котлетҳоро ба табақчаи равғанкардашудаи зарфи мантупазӣ 25 дақиқа дар буғ пазед.

Котлетҳои омодашударо бо соу­си помидорӣ, биринҷ ё марҷумаки ҷўшонидашуда метавонед ба кўдак 1-2 дона хўронед. Котлетҳои омода­шударо ба дигар аъзоёни оилаатон бо соуси помидор ва макарон, лў­биё, марҷумак ё биринҷи ҷўшони­дашуда, картошкабирён ё картош­каи ширин метавонед пешниҳод кунед.

Котлет бо гўшти мурғ

Тарзи омода намудан

1. Нонро дар шир тар карда мо­нед.
2. Гўшт, кабудӣ ва нони дар шир таркардаро аз гўштқимакунак гу­заронед.
3. Тухмро бо қимаи гўшт илова карда, омехта кунед.
4. Котлетҳои баробарҳаҷм тайёр кунед.
5. Котлетҳоро ба табақчаи равғанкардашудаи зарфи манту­пазӣ 15-20 дақиқа дар буғ пазед. Котлетҳоро кўфта, бо соуси поми­дорӣ, макарони ҷўшонидашуда ё латзада пюре тайёр намуда, ба кўдак хўронед.