Аломати ин беморӣ дар дард кардани пайванди сурин, буҷулаки пой, ангуштони пой, буғумҳои нарангушти пой, дар пайванд (буғум)-ҳои даст ва ғайра зоҳир мегардад…
— Барги думигов (маргимоҳӣ)-ро кўфта, бо ҳамвазни он асал даромехта, ҳар рўз як мисқол аз он дар оби ҷўшомада андохта, биёшоманд, нафъ мерасонад.
— Мухалласи хушкро кўфта, як моҳ чой карда бинўшанд, дарди буғумҳоро шифо мебахшад.
— Сурбро бо равғани гулисурх, оби барги зуф ва оби кашниз соида, он маҳлули ҳосилшударо ба буғумҳои дардманд банданд, дарди онҳоро таскин медиҳад.
— Равғани хирс ва равғани суғурро ба буғумҳои дардманд мунтазам бимоланд, дарди онро шифо мебахшад.
— Сиёҳдонаро кўфта, бо асал сиришта, ба пайвандҳои дардманд гузошта банданд, шифо меёбанд.
— Даруни турби калонро чун коса кўфта, онро аз асали тоза пур кунанд ва як шабонарўз нигоҳ дошта, онро даҳ рўз дар дили наҳор биёшомунд, шифо меёбанд.
— Тухми турбро кўфта, бо асал сиришта, ба пайвандҳои дардманд гузошта банданд, фоида мерасонад.
— Ба миқдори донаи нахўд мумиёро соати 12-и шаб бо як пиёла оби бо асал ҷўшонида биёшоманд, шифо меёбанд.
— Барги тамокуро дар оташдон то зард гаштанаш гарм карда, дар кафи пойҳо гузошта банданд, фоида мерасонад.
— Барги тару тозаи мушхорро каме гарм карда, дар буғумҳои дардманди варамкарда гузошта банданд, варами буғумҳоро таҳлил карда, нест мекунад.
Муҳаммадрасули ИБРОҲИМЗОДА,
табиби мардумӣ, деҳаи Қирғизони шаҳри Ваҳдат
