Азизулло Мирзозода, муовини раиси Кумита оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон.
Ман аз овони мактабхонӣ ба варзиш таваҷҷўҳ доштам. Он вақт бештар ба гўштини миллӣ машғул будам. Дар давраи донишҷўӣ бошад каратэ машқ мекардам. Варзиши яккаҳарбаи шарқӣ дар аробари қувваю серҳаракатӣ иродаи мустаҳкам ва матонат низ талаб мекунад.
Варзиш дар ҳама давру замон беҳтарин воситаи солим нигоҳ доштани ҷисми рўҳ ба шумор меравад. Аммо сўйистифода аз варзиш метавонадба ҷисм зарар дорад. Баъзеҳо ба тақлид ба филмҳои амрикоӣ дар офтоби сўзон медаванд, вазнбардорӣ мекунанд, турник мекашанд… Ҳол он ки дар гармӣ талаботи бадан ба об меафзояд. Сарбории зиёд табобати ҷисмро ба об бештар мекунад ва кори дилро душвор месозад. Бинобар ин, дар варзиш ҳам аз ҳадди эътидол набояд гузашт.
Имрўз ҳам ман аз варзиш дур нестам. Варзиш ба рўҳбаландӣ меорад. Ғайр аз машқи пагоҳирўзӣ дар ҷои кор низ фурсат ёфта, машқҳои сабукро ба ҷо меорам.
Имрўз бисёр бемориҳо аз қабили диабети қанд, фишори баланди хун, бемориҳои дилурагҳо аз камҳаракатӣ сар мезананд. Аз ин рў, олимони соҳаи тиб тавсия додаанд, ки ашхоси аз 30-сола боло бояд рўзе то 10 000 қадам бизананд. Ман, ба ҳамкоронам низ ҳамеша ба варзиш машғул шуданро тавсия медиҳам. Воқеан, соли 2014 дастаи футболи Кумита бо номи «Танзим» ғолиби мусобиқаи шаҳрӣ гардид.
Намудҳои даставии варзиш, юа монанди футболу волейбол ба варзишгарон эҳсоси коллективизм, ба ҳамдигар ёрӣ расонидан, хайроҳи ҳамдигар буданро бедор мекунад.
Аммо дар синну соли болотар ба варзиш тезҳаракат машғул шудан метавонад боиси осеббардорӣ ва ҷароҳат гардад. Бинобар ин, баъди 40-солагӣ ба вазнбардорӣ муштзанӣ (бокс), варзиши тоқатфарсо машғул шудан ба ҷои фоида зарар меорад.
Кош дар кишвари мо таваҷҷуҳ ба тозатарин намуди нақлиёт яъне, велосипед зиёд шавад. Оромона бо волосипед сайругашт кардан, саривақт бо он ба ҷои кору таҳсил расидан ба солимии аҳолӣ мусоидат мекунад. Дар кишварҳои пешрафтаи аврупоӣ волосипедсаворӣ шуғли дўстдоштаи мардум аст. Аз тарафи дигар бандшавии роҳҳои автомобилгард низ кам шуда, ба ҳаво газҳои зарарнок камтар ихроҷ мешавад.
