Ғизоҳое, ки истеъмол мекунем, ба давомнокии умр, саломатӣ, хотира ва эҳсосоти мо таъсир мерасонанд. Инак, таваҷҷуҳ намоед ба фаъолиятнокии чанде аз онҳо
Чойи сабз
Ин нӯшокӣ манбаи антиоксидантҳо ва витамини С мебошад, ки раванди пиршавиро суст мекунад. Чойи сабз инчунин, ба саломатӣ ва зебоии пӯст таъсир мерасонад. Илова бар ин, он хатари бемориҳои дилу рагҳоро коҳиш медиҳад. Нӯшокӣ барои онҳое, ки дар назди компютер бисёр мешинанд, тавсия дода мешавад, зеро дар таркиби он моддаҳое мавҷуданд, ки бо радиатсияи зараровар мубориза мебаранд. Чой ҳамчунин, шуш ва бронхҳоро тоза мекунад.
Чормағз
Чормағз маҳсулоти солим ҳисобида шуда, манбаи сафедаи растанӣ, витамини С, инчунин йод ва витаминҳои гурӯҳи В мебошад. Чормағз барои коҳиш додани хатари бемориҳои дилу раг, ба эътидол овардани кори ғадуди сипаршакл ва ҳавасманд кардани фаъолияти майна мусоидат мекунад. Он ба системаи асаб таъсири бузург расонида, шиддатнокиро бартараф месозад.
Асал
Ғизоест чунанбори витаминҳо. Он масъуниятро беҳтар ва системаи асабро мустаҳкам намуда, ба узвҳои ҳозима таъсири хуб мерасонад. Асал, инчунин хобро мӯътадил гардонида, хастагиро рафъ месозад.
Тухм
Ин маҳсулот манбаи асосии протеин мебошад. Олимон тасаввуроти нодурустеро, ки гўё тухм рагҳои хунро бо холестерин «ифлос мекунад», рад карданд. Тухм хатари сактаи дил ва инсултро коҳиш дода, лахташавии хунро пешгирӣ мекунад.
Моҳӣ
Яке аз маҳсулоти муфидтарин моҳӣ мебошад. Махсусан, моҳии баҳрӣ фоиданокиаш хеле калон аст. Он дорои миқдори зиёди сафеда, Омега-3, Омега-6 ва оҳан мебошад. Кислотаҳои чарбӣ барои паст кардани сатҳи холестерин кумак мекунанд ва хатари сактаи дилро то 50% коҳиш медиҳанд.
Маҳсулоти ширӣ
Онҳо бояд ба парҳези инсон дохил карда шаванд. Чунин маҳсулот аз сафеда ва равғанҳои ба осонӣ ҳазмшаванда бой мебошанд. Ҷурғот ва йогурт ба солимии узвҳои ҳозима мусоидат намуда, микрофлораи рӯдаҳоро барқарор мекунанд. Хавфи саратони меъда низ кам мешавад.
Ғалладонагиҳо
Ба ғалладонагиҳои солим биринҷи қаҳваранг, ҷав ва тамоми ғалладонагӣ дохил мешаванд. Ин зироатҳо ғози набототии бисёр доранд, рӯдаҳоро тоза намуда, кори системаи ҳозимаро ба эътидол меоранд. Истеъмоли мунтазами ғалладона хатари саратони рӯдаро коҳиш медиҳад. Ғалладонагиҳо бо холестерини баланд, қанди хун ва фарбеҳӣ мубориза мебаранд.
Помидор
Помидор яке аз се ғизои солимтарин мебошад. Тавсия дода мешавад, ки он дар ҳама гуна шакл истеъмол карда шавад: тару тоза, дар шакли соус, хамира ва ғайра. Дар помидор миқдори зиёди ликопен мавҷуд аст, ки ташаккули ҳуҷайраҳои саратонро бозмедорад. Агар шумо мунтазам сабзавот истеъмол намоед, бадан ба истеҳсоли миқдори зиёди каротиноидҳо шурӯъ мекунад. Онҳо бо ҷамъшавии кансерогенҳо дар бадан мубориза мебаранд.
Себ
Ин мева яке аз муҳимтарин ғизоҳои солим барои инсон аст, зеро он дорои витаминҳои B1, B2, C, P ва E мебошад. Себ хатари гирифторӣ ба бемории Алтсгеймер, саратон ва бемориҳои дилу рагҳоро коҳиш медиҳад. Мева системаи масуният ва асабро мустаҳкам намуда, қувваи ҳозимаро ба эътидол меорад.
Лӯбиёгӣ
Тавсия дода мешавад, ки лӯбиёгиҳо ба парҳез дохил карда шаванд, зеро онҳо манбаи сафедаи сабзавоти ба осонӣ ҳазмшаванда мебошанд. Дар таркиби лӯбиёгиҳо оҳан, фосфор, калий, манган, йод ва витамини С мавҷуд аст. Онҳо, инчунин дорои витаминҳои В мебошанд, ки барои системаи асаб масъуланд. Лӯбиёгиҳо вазни зиёдатиро низ кам менамоянд.
Таҳияи МАДИНА
