Безуриётӣ яке аз мушкилоти доғи ҳар ҷомеъа ба шумор меравад ва кишвари мо низ аз ин раванд истисно нест. Имрўз дар Тоҷикистон оилаҳои зиёде ҳастанд, ки аз безуриётӣ азият мекашанд ва гоҳе вақт маҳз ин мушкилот сабаби азҳампошии оила ва бадбахт шудани занони зиёд мегардад. Хушбахтона, тиббӣ муосир дар рафъи ин мушкил ба дастовардҳои назаррас ноил гардидааст ва безуриётӣ имрўз бомуваффақият табобат мешавад. Дар шўъбаи гинекологии Бемористони Ибни Сино низ, бо истифода аз усулҳои муосир бештари иллатҳои безурётиро табобат мекунанд. Табибони шўъбаи гинекологии бемористон дар фаъолияташон аз дастгоҳҳо ва озмоишу ташхисоти муосир истифода мебаранд. Таҷҳизоти ташхисию табобатии замонавӣ, ва дараҷаи баланди тахасуссии кормандон ба беморон кафолати табобати оҷил ва бо муваффақиятро медиҳанд.
Мутахассиси шўъбаи гинекологии бемористон Ситора Қодирова мегўяд: Ба шўъбаи гинекологӣ зиёдтар занҳое муроҷиат менамоянд, ки аз безуриётӣ ранҷ мекашанд.
Навъҳои безуриётӣ зиёданд, вале шумораи бештари занон бо безуриётии найчавӣ (ба хотири иллатдор шудани роҳҳои найчавӣ) ба пизишкони амрози занона муроҷиат менамоянд. Ташхиси безуриётии найчавӣ басо мушкил буда, аз мутахассис таҷрибаву малакаи зиёд талаб менамояд. Танҳо мутахассиси хуб метавонад усул ва роҳҳои босамари ташхис ва табобати ин бемориро муайян кунад.
Аслан ташхиси безуриётӣ ба заноне гузошта мешавад, ки дар давоми як соли зиндагонии якҷояи оилавӣ ҳомила нашудаанд. Баъд аз гузашти ин муҳлат зану шавҳар ҳатман бояд аз муоинаи мутахассис гузашта, ба табобат шурўъ намоянд. Сабабҳои пайдоиши безуриётии найчавӣ низ гуногунанд. Он метавонад модарзодӣ ё дар асари бемориҳои эндокринологӣ бошад.
Аммо, яке аз сабабҳои асосии он ҷараёни илтиҳобӣ ба шумор меравад.
Бемории мазкур дар раванди гузаронидани муоинаи гистеросалпинографӣ, ултрасадо ва лапароскопия муайян карда мешавад. Табобати беморӣ асосан дорўи буда, танҳо дар ҳолати натиҷа надодани он ҷарроҳӣ анҷом мешавад. Қобили зикр аст, ки табибони шуъбаи гинекологии бемористон мутахассисони гинекологияи эндокринологӣ ва ташхиси ултрасадо дар амрози занон мебошанд ва ниёзмандон метавонанд дар ин ҷо ҳама гуна бемориҳои занонаро ташхиси ва дармон кунанд. Аз ҷумла, бемориҳои гарданаи бачадон, бемориҳои илтиҳобии узвҳои коси хурд, бемориҳои ғайри илтиҳобии узвҳои коси хурд, бемориҳои сироятии узвҳои таносул, вайроншавии давраи ҳайзбинӣ, ташхис ва табобати безурётӣ, мушкилҳои сину соли климактерикӣ, банақшагирии ҳомилашавӣ, таҳияи контрасептсияҳо ва дигар мушкилоти занон дар шуъбаи гинекологии бемористон табобат мешаванд.
Дар бемористон барои модарони оянда барномаи махсусе дар мувофиқа бо хоҳишу дархостҳои бемор ва бо дарназардошти натиҷаҳои тадқиқот таҳия шудааст. Барнома барои муҳайё намудани шароити муносиб ва мувофиқ пешбинӣ гардидааст ва дар ин замина ҳамаи хусусияти организми бемор низ ба инобат гирифта мешаванд. Барномаи мукаммали назорат ва муоинаи занони ҳомила ҳамчунин машварати дигар мутахассисон: терапевт, окулист ва кардиологро дар бар мегирад.
Тавассути ширкати «Суғуртаи миллӣ», ки дар назди бемористон фаъолият менамояд, табобат дар бемористони замонавӣ барои ҳама қишрҳои ҷомеа дастрас мегардад.
Маълумоти пурраро Шумо метавонед бо телефонҳои (+992 44) 640 — 01 — 02
(+992 44) 640 — 01 – 03 ё аз сомонаҳои: www.ibnisino.tj ва www.sugurta.tj дарёфт намоед.
