«Дармонбахш»- дармони мардум.
Дорухонаи «Дармонбахш», воқеъ дар бозори «Панҷшанбе»-и шаҳри Хуҷанд, хеле ободу зебо ва муҷаҳҳаз бо техникаи замонавӣ дидам. Дорусозон Мавзуна Сангинова ва Рустам Абдунабиев бо мудири шўъбаи дорухона Бобошо Давлатмуродов сари масъалаи дарёфти як намуд дору барои як оилаи камбизоат маслиҳат доштанд. Ниҳоят қарор доданд, ки он доруро аз дигар дорухона дарёфт карда, эҳтиёҷи он корфтодаро мебароранд.
Рости гап, таи чанд муддате, ки дар маҷалла фаъолият дорам, ин гуна муносибати ғамхоронаро нисбати корафтодагон андаке камтар дучор омада будам. Ман ба ҳарсе бо чашми ҳайрат нигаристам, ки дорусоз Мавзуна Сангинова гуфт:
-Маллим, ҳайрон нашавед. Ин дастури сардорамон Султон Раҳмоналиевич аст, ки ба ин табақаи ҷомеа то аз даст омадан кўмак намоем. Ғайр аз ин дору аз ҳисоби яклухтфурўшиамон ба ин тоифа 15 фоиз арзон дода мешавад.
-Барои иштирокчиёни Ҷанги Бузурги Ватанӣ- чӣ?
-Дору умуман ройгон аст,- посух дод сардори шўъба Бобошо Давлатмуродов.
Андешаи роҳбарияти Раёсати Хадамоти назорати давлатии фаъолияти фармасевтӣ низ нисбати ин дорухона мусбист.
-Мо барои он «Дармонбахш»-ро барои иштирок ба озмуни ҷумҳуриявӣ пешниҳод кардем, ки байни дигар дорухонаҳои қаламрави вилоят фаъолиятш назаррастар аст,- мегўяд сардори шўъба Баҳром Юсуфов, хусусан дар ҷодаи истифодаи доруҳои сифатнок ва пешгирӣ кардани маводҳои тиббӣ ва дорвориҳои мўҳлати истифодашон гузашта муносибати басо ҷиддӣ доранд. Тамоми қонуну меъёрҳои амалкунандаи соҳавиро қатъиян риоя мекунанд.
Роҳбарияти дорухона тавонистааст, кормандони аҳлу тифоқро сарҷамъ созад. Имрўзҳо 25 нафар дорусозону кормандони техникӣ ва маъмурият таҳти роҳбарии дорусози соҳибмалка Султон Раҳмоналиевич Давлатмуродов дар руҳияи ҳмдигарфаҳмию дўстӣ кор мекунанд. Вақте аз сардори дорухона омилҳои чунин пешрафту фаъолияти назаррасро пурсидем, ў чунин гуфт:
-Дар урфият мегўянд: ёр агар аҳл бошад, кор саҳл аст. Мо, ки дар руҳияи ҳамдигарфаҳмӣ ва ҳамдилӣ кор мекунем, албатта корамон пешрав аст. Иқтисоди бозорӣ рақобатпазириро талаб дорад. Барои ба рақобати бозор тобовар будан бояд аҳлона кор кард.
Дорухонаи «Дармонбахш» ва сардори он, дастпарвари Академияи хизматчии давлатии назди Президенти Федертсияи Русия Султон Давлатмуродов барои меҳнати софдилона ва шоиста бо даҳҳо Ифтихорномаҳои соҳавӣ, Раёсати тандурустии вилоят сарфароз карда шудаанд. Аммо, мукофоти аз ҳама олиро барои худ чеҳраи шукуфони корафтодаро баъди баромадани ҳоҷаташ медонанд.
М.Маҳмудов.
Дар сурат: сардори дорухона Султон Давлатмуродов (аз рост дуюм) бо кормандони дорухона.
