Бо мақсади тарғиби тарзи ҳаёти солим, баланд бардоштани маърифати аҳолӣ оид ба ҳуқуқ ба саломатӣ, ҷалби шаҳрвандони фаъол ба масъалаҳои ҳифзи саломатӣ ва муаррифии арзишҳои солими ҷомеа, марҳилаи миллии озмуни байналмилалии эҷодии «Ҳуқуқ ба саломатӣ» дар Ҷумҳурии Тоҷикистон баргузор мегардад.
Озмун дар доираи эълон гардидани соли 2026 ҳамчун «Соли ҳифзи саломатӣ» дар Иттиҳоди Давлатҳои Мустақил роҳандозӣ шуда, ба рушди фарҳанги саломатӣ ва ташаккули муносибати масъулона ба саломатии худ ва дигарон равона шудааст.
Дар озмун метавонанд иштирок намоянд:
• кӯдакон ва наврасони то 14-сола;
• иштирокчиёни аз 14-сола боло;
• хонандагон, донишҷӯён, эҷодкорон, рӯзноманигорон, рассомон, суратгирон, наворбардорон ва ҳамаи шахсони хоҳишманд.
Озмун аз рӯи 4 номинатсия баргузор мегардад:
«Беҳтарин эссе»
Корҳои хаттӣ, ки мавзӯи ҳуқуқ ба саломатӣ, аҳамияти ҳифзи саломатӣ, тарзи ҳаёти солим ва масъулияти ҳар як шахсро дар назди саломатии худ ва ҷомеа инъикос менамоянд.
«Беҳтарин видеосюжет»
Наворҳои кӯтоҳе, ки ғояҳои ҳуқуқ ба саломатӣ, пешгирии бемориҳо, одатҳои солим, фарҳанги саломатӣ ва зиндагии фаъолро тарғиб мекунанд.
«Беҳтарин акс»
Аксҳое, ки лаҳзаҳои марбут ба ҳифзи саломатӣ, тарзи ҳаёти солим, муҳити солим, ғамхорӣ ба инсон ва арзишҳои саломатӣ-ро инъикос менамоянд.
«Беҳтарин расм»
Корҳои тасвирие, ки тавассути эҷодиёти бадеӣ ҳуқуқи инсон ба саломатӣ, аҳамияти нигоҳдории саломатӣ ва ташаккули ҷомеаи солим-ро нишон медиҳанд.
Корҳои пешниҳодшуда бояд ба мавзӯи «Ҳуқуқ ба саломатӣ» мувофиқат намуда, барои тарғиби арзишҳои саломатӣ ва тарзи ҳаёти солим равона гардида бошанд.
Беҳтарин корҳои эҷодӣ ба марҳилаи байналмилалии озмун ба ИДМ пешниҳод карда мешаванд.
Аз ҳамаи шаҳрвандони фаъол, ҷавонон, кӯдакон, эҷодкорон ва дӯстдорони саломатӣ даъват менамоем, ки дар озмуни «Ҳуқуқ ба саломатӣ» иштирок намуда, бо истеъдод ва андешаҳои созандаи худ дар тарғиби тарзи ҳаёти солим саҳм гузоранд.
Талабот ба корҳои озмунӣ аз рӯи номинатсияҳо:
«Беҳтарин эссе»
• Эссе бояд ба мавзӯи «Ҳуқуқ ба саломатӣ» мувофиқ бошад;
• Ҳаҷм – то 10 000 аломат (бо фосила);
• Бо забони русӣ ё тоҷикӣ пешниҳод карда мешавад.
«Беҳтарин видеосюжет»
• Видео бояд мавзӯъҳои ҳифзи саломатӣ, тарзи ҳаёти солим ва ҳуқуқ ба саломатиро инъикос намояд;
• Давомнокӣ – на бештар аз 1 дақиқа;
• Формат – MPEG4, сифати на камтар аз 1280×720;
• Видео бояд бе логотип пешниҳод гардад.
«Беҳтарин акс»
• Акс бояд ғояҳои марбут ба саломатӣ, тарзи ҳаёти солим ва арзишҳои инсонӣ дар соҳаи тандурустиро инъикос намояд;
• Формат – JPEG;
• Сифат – на камтар аз 500 dpi.
«Беҳтарин расм»
• Расм бояд мавзӯи ҳуқуқ ба саломатӣ, ғамхорӣ ба саломатӣ ва тарзи ҳаёти солимро инъикос намояд;
• Формат – JPEG;
• Андоза – на камтар аз A4;
• Сифат – на камтар аз 500 dpi.
Шартҳои умумӣ:
• Корҳо метавонанд бо забони русӣ ва тоҷикӣ пешниҳод карда шаванд;
• Ҳар як иштирокчӣ метавонад то 2 асар дар ҳар як номинатсия пешниҳод намояд;
• Қабули корҳои озмунӣ то 15 августи соли 2026 идома меёбад.
Маълумоти иловагӣ ва қабули корҳои озмунӣ:
Корҳои озмунӣ метавонанд тавассути почтаи электронии зерин ирсол карда шаванд:
ozmun_tths@mail.ru
Видеосюжетҳо инчунин метавонанд тавассути Telegram ба рақами зерин фиристода шаванд:
+992 00 220 16 22
Рақам барои тамос ва маълумоти иловагӣ:
+992 75 515 04 04
Замима ба Низомномаи озмуни ҷумҳуриявии эҷодии эссе, видео, акс ва расмҳо дар мавзуи «Ҳуқуқ ба саломатӣ»
Ба Комиссияи озмуни ҷумҳуриявии эҷодии эссе, видео, акс ва расмҳо дар мавзуи «Ҳуқуқ ба саломатӣ»
ДАРХОСТ
барои иштирок дар озмун
Хоҳиш менамоям, ки маро барои иштирок дар озмуни ҷумҳуриявии эҷодии «Ҳуқуқ ба саломатӣ» ба қайд гиред.
1. Ному насаби муаллиф (ё гурӯҳи муаллифон):
2. Синну соли иштирокчӣ:
3. Номинатсияи интихобшуда:
☐ «Беҳтарин эссе»
☐ «Беҳтарин видеосюжет»
☐ «Беҳтарин акс»
☐ «Беҳтарин расм»
4. Номи кори эҷодӣ (асар):
5. Кишвари истиқомат:
6. Муассиса ё ташкилоте, ки иштирокчӣ намояндагӣ мекунад (дар сурати мавҷуд будан):
7. Маълумоти тамос:
Рақами телефон: ___________________________
Почтаи электронӣ: _________________________
8. Маълумоти иловагӣ оид ба иштирокчӣ (ихтиёрӣ):
Эъломияи муаллиф
Ман тасдиқ менамоям, ки кори пешниҳодшуда маҳсули эҷодии шахсии ман (ё гурӯҳи муаллифон) мебошад ва ҳуқуқи муаллифии шахсони сеюмро поймол намекунад.
Дар сурати ба миён омадани масъалаҳои вобаста ба ҳуқуқи муаллиф, ман масъулияти риояи талаботи қонунгузориро ба зимма мегирам.
Бо пешниҳоди кор ба озмун розӣ ҳастам, ки маводи пешниҳодшуда бо мақсадҳои иттилоотӣ, тарғиботӣ ва муаррифии озмун истифода гардад.
Сана: «___» __________ соли 2026
Имзои иштирокчӣ: _______________
Ному насаби пурра: _______________
