Натиҷаи таҳќиќоти охири донишмандони соҳаи тиб мушаххас мекунад, ки чаро ожангҳо дар атрофи чашмҳо бештар дида мешавад? Муҳаққиқони ҷопонӣ дар ин таҳқиқ нишон додаанд, ки ин падида таҳти таъсири ғадудҳои себосаи пустӣ аст: ғадудҳои кўчаке, ки моддае бо номи себом (sebum)- ро тарашшуҳ мекунад.
Себом моддаи мумӣ аст, ки пўстро чарбӣ (равғанӣ) мекунад ва ин чарбӣ аз пӯст дар муқобили об муҳофизат менамояд. Муҳаққиқон мегўянд, ки ожангҳои пўстӣ дар маҳалҳое, ки ғадудҳои себосии камтаре дорад, амиқтар аст ва худро бештар нишон медиҳад ва атрофи чашм чунин хусусияте дорад.
Дар ин баррасӣ муҳаққиқон умқи ожангҳои пустӣ ва теъдоди ғадудҳои себосиро дар қисмати пешонӣ ва атрофи чашми 58 шахси фавтшудаи 20 то 90-соларо баррасӣ карданд. Тавре мушоҳидаҳо нишон доданд, дар қисмати пешонӣ, ки ожангҳои пўстӣ дар маҳалҳое, ки ғадудҳои себосии камтаре дорад, теъдоди ғадудҳои себосӣ бештар буд. Албатта ин баррасӣ рўи ашхоси бо нажоди ҷопонӣ анҷомшуда ва ҳанўз дар хусуси мардуми манотиқи дигари дунё собит нашудааст.
Ба гуфтаи муҳаққиқон ин баррасиҳо феълан дар марҳалаи назарӣ аст, вале пешниҳодҳои амалӣ барои касоне, ки мехоҳанд ожанги камтаре дар рўи худ дошта бошанд, ин аст, ки оби бештаре бинўшанд, камтар дар зери нури офтоб қарор бигиранд, ғизои солим бихўранд, зиёд варзиш кунанд ва хуб бихобанд.
М. Ҷумъа
