Дорухонаи нав.
Дар шаҳри «Дўстии халқҳо» – Қайроққум дорухонаи нав ба истифода дода шуд, ки он бо ташаббуси дорусоз, роҳбари ҶДММ «Витекс» Асадбек Азимов ба фаъолият шурўъ кард.
— Мо аз кушода шудани дорухонаи нав, хеле хурсанд гардидем,- мегўянд, сокинони кўчаи «Дўстии халқҳо» Умеда Ҳайдарова ва Абдуқуддус Ортиқов, — дар атроф нуқтаи доруфурўшӣ амал намекард. Вақти зарур шудани дору маҷбур будем, ба дармонгоҳ ё беморхона равем. Акнун ба мо осон шуд…
Дар дорухона бародари Асадбек — Азимҷон низ кор мекунад. Ҳарду бародарон дастпарвари факултаи фармасевтикаи Коллеҷи тиббии шаҳри Хуҷанд мебошанд.
— Ҳадаф аз ташкили дорухона хизмати софдилона расонидан ба халқ аст,-мегўяд Асадбек Азимов,- албатта дар фаъолияти худ мо дастуру супоришҳои Хадамоти назорати давлатии фаъолияти фармасевтиро ба роҳбарӣ мегирем, ки бешак ба пешрафти корамон мусоидат мекунад…
Ба фаъолият оғоз кардани дорухонаи нав боиси пайдо шудани 3 ҷойи нави корӣ гардид.
М. Маҳмудов
