Аз рўи маълумоти Ташкилоти озуқа ва кишоварзии СММ аз се як ҳиссаи маҳсулоти ҷамъовардаи сокинони сайёра то ба дастурхон омадан нобуд мешавад. Яқ қисми дигари маҳсулот бошад, баъди тайёр шудан истеъмол нашуда барбод мераванд. Ҳол он ки то ба дастурхон мондани маҳсулоти мазкур чӣ қадар маблаѓу заҳмат ва энергия сарф шудааст. Барои пешгирии исрофшавии маҳсулоти озуқаворӣ як қатор тадбирҳоро амалӣ кардан ба мақсад мувофиқ аст
- Оқилона харид кунед, қариб нисфи одамон ба бозору маѓоза бе руйхат мераванд. Маҳсулоти тезвайроншаванда (помидор, бодиринг, қаланфур, кабудӣ)-ро ба миқдори кам ва маҳсулоти дерпоянда(картошка,пиёз, лўбиёиҳо )-ро зиёдтар гиред. Агар дертар хўрок мепухта бошед, маҳсулотро зиёд захира накунед, то ки пўсидаву пажмурда нагардад.
- Аз меваю сабзавоти намудашон “безеб” ҳазар накунед. Баъзеҳо танҳо барои намуди зоҳирии “безеб” доштан баъзе сабзавоту меваро мепартоянд. Ҳол он ки ин гуна маҳсулот новобаста аз бозоргир набуданашон таъми гуворо дошта хўрданибобанд . Ин гуна монеаҳои сунъиро сарфи назар карда, миқдори зиёди меваю сабзавотро аз исрофшавӣ нигоҳ доштан мумкин аст
