Парҳезшиносон чунин ақида доранд, ки равғани офтобпараст сатҳи холестерини зарарнокро паст менамоянд. Дар таркиби он витамини Е фаровон аст, ки пиршавии бармаҳалро пешгирӣ намуда, солимии пўсту мўйҳоро таъмин месозад.
Равғани зайтун муфидтарин равған буда, ҳатто барои шахсоне, ки меъдаи носолим доранд, муносиб аст. Онро хом ё бо хўришҳо истеъмол кардан беҳтар мебошад. Зимни бирён кардан бисёр хосиятҳои муфиди равғани зайтун барбод меравад. Аз ин рў барои бирён кардан тавсия дода намешавад.
Барои бирён кардани гўшт, моҳӣ, маҳсулоти қаннодӣ равғани ҷуворимакка беҳтарин восита маҳсуб меёбад. Дар таркиби он витаминҳои гурўҳи В бисёр аст. Бинобар ин истеъмоли он барои системаи асаб ва солимии пўсту мўйҳо фоида дорад.
