ТАБОБАТ БО СЕБАРГА (КЛЕВЕР)
— Як қошуқ гули себаргаи хушкшударо ба 250 миллилитр оби ҷўш андохта, гарм печонед ва 15 дақиқа дам диҳед. Давои мазкурро мисли чой истеъмол кунед.
— Агар аз чойи мазкур 45 рўз ҳамарўза се маротиба як пиёлаӣ бинўшед масуниятатон мустаҳкам мегардад.
— Ду қошуқ гули себаргаро ба 250 миллилитр об андохта, то сард шуданаш дам диҳед. Матои пахтагиро ба он тар карда, ба болои пўсти захмӣ, ҷароҳат ва ҷойи аз сўхтан осебдида гузоред.
ПИЁЗ БА ҶОИ ВАЛИДОЛ
Ҳангоми аз хастагӣ суст кор кардани дил ва ё дарди начандон сахти дил пиёз метавонад воситаи қувватбахш шавад. Як дона пиёзи калонро дар танўрчаи барқӣ (духовка) пухта, бо қошуқ майда кунед. Баъди ширгарм шуданаш онро ба кафи пойҳо молида, бо плёнкаи барои ғизоҳо пешбинишуда печонед ва ҷуроб пўшида хоб равед.
ҚИЁМ БАРОИ МУОЛИҶАИ СИСТИТ
Се қошуқ тухми шибит (укроп) ва сабзиро дар қаҳвазанак орд карда, як қошуқи онро бо як литр оби ҷўш ба термос андозед ва як соат дам дињед. Давои мазкурро чаҳоряки истакон (50 миллилитрӣ) рўзе 6 маротиба истеъмол кунед.
Қиёми мазкур хосияти зиддиилтиҳобӣ, бедардкунӣ ва захмбандӣ дошта, зимни муолиҷаи зиддибактериалии систит табобати хуби иловагӣ мешавад.
С. САЙФИДДИН
