Ҳангоми аритмияи қалб ба беморон ғизои набототӣ (вегетарианӣ), худдорӣ аз тамокуву машруботи спиртӣ,тарки чойи талху қаҳва тавсия дода мешавад. Истеъмоли зардолуи тару тоза, хушк, шарбату компот ва мураббои он низ муфид аст. Хўрдани қанд, маҳсулоти шириву серкрахмал, равғанин ва шўрро маҳдуд бояд кард.
Нўшидани чой аз гулҳои (фиалка трёхцветная) нафъ мебахшад. Ҳамчунин рўзе 2-3 маротиба баъди ғизо нўшидани як қошуқӣ қиёми чойкаҳак муфид аст. Бо ин мақсад ин як қошуқ баргу появу гули чойкаҳакро бо як истакон оби ҷўш андохта дам бояд дод. Сипас аз дока гузаронида дар давоми рўз 3 маротиба як қошуқӣ истеъмол бояд кард.
-Зимни аритмия ва тахикардия як қошуқӣ коснӣ, гулҳои (календула) ва дўлона, ду қошуқ баргу пояи (лютик)-ро дар қаҳвазанак орд карда, як литр оби ҷўш ҳамроҳ намоед. Ҳамагӣ 30 сония ҷўшонед. Сипас як соат дам диҳед. Баъд онро аз дока гузаронида, рўзе 7 маротиба ду қошуқӣ истеъмол намоед.
-Агар фишори хун паст бошад, ванна бо илова кардани равғани аир ва розмарин қабул бояд кард. То 15 ќатраи ин равғанҳоро бо як истакон қаймоқ (сметана) ҳамроҳ карда, дар ванна аралаш намоед. Ҳарорати об + 35 дараҷа ва муҳлати нишастан дар ванна то 20 дақиқа бошад.
-Барои касоне, ки тахикардия (дилзанак) ва гипертония доранд, истифодаи маҷмўаи гиёҳон муфид аст. Як қошуқӣ гулҳои (календула), баргу пояи нозбў (лимўгиёҳ), (сушеница), 2 ќошуқ пудина, ним қошуқча настаран (хулул)-ро дар қаҳвазанак орд кунед. Ду қошуқ орди ҳосилшударо ба 1 литр оби ҷўш ҳамроҳ намуда, 30 сония ҷўшонед. Сипас як соат дам дода, аз дона гузаронед ва ним истаконӣ рўзе се маротиба истеъмол намоед.
Фишори паст ва баланди хун
Ҳангоми фишори баланд:
-Қулфинай, калина ва клюкваро бо шакар баробар ҳамроҳ намуда, як истаконӣ рўзе 3 маротиба истеъмол кунед.
-Чойкаҳак, хулул, кокутӣ, чилбуғумро бо ҳиссаи баробар гирифта, дар як литр оби ҷўш андохта, дам диҳед. Сипас 3 маротиба дар як рўз шарбати клюква, асал (ё шакар мувофиқи табъ) ҳамроҳ карда, мисли чой истеъмол намоед.
-Ҳар рўз 30-40 дона дўлонаи сурхак истеъмол кунед. Ҳамчунин аз он ҳўшоба тайёр кардан мумкин аст. Шабона 10 грамм дўлонаи сурхакро аз донааш ҷудо намуда, ба он ду истакон оби ҷўш резед. Субҳгоҳон 20-30 дақиқа ҷўшонда, баъди хунук шудан аз дока гузаронида, ним истаконӣ рўзе се маротиба пеш аз хўрок истеъмол бояд кард.
-Шарбати (брусника) ва хурморо баробар гирифта, каме асалу гарди гул ҳамроҳ намуда, ҳамгоми ғизо хўрдан истеъмол кунед.
-Ним қошуқча тухми шибитро пеш аз хўрок истеъмол карда, аз болояш об нўшед.
-Истеъмоли намакро маҳдуд созед.
Ҳангоми фишори пасти хун: Рўзе як истакон оби анори ширин нўшед.
Ҳар рўз 150-200 грам лаблабуи ҷўшонида истеъмол кунед ва ё шарбати лаблабуро бо таносуби як ба як литр бо асал ҳамроҳ карда, рўзе як қошуқӣ 4-5 маротиба истеъмол намоед. Мўҳлати табобат 2-3 ҳафта.
-Як қошуқ мармаракро бо як литр оби ҷўш андохта, 20 дақиқа дам диҳед. Аз субҳ сар карда, то шом баъди ҳар ду соат як қошуқчаӣ аз ин ҷўшоба истеъмол кунед.
-Як қошуқчаи баргу решаи Багулники ботлоқиро дар як истакон об андохта, 10 дақиқа ҷўшонед. Рўзе ним истакон бист дақиқа пеш аз хўрок истеъмол намоед.
Барои муолиҷаи атеросклероз
-Панҷ дона лимў ва 5 дона сирро якҷоя аз гўштқимакунак гузаронида, ба ним килло асали моеъ аралаш намоед. Як қошуқча ҳар субҳ аз он истеъмол кунед.
Барои дарозумӣ
-Бобуна,чойкаҳак, бўимодарон, ғозичой, муғчаҳои сафедорро 100 граммӣ гирифта, дар қаҳвазанак орд кунед. Шомгоҳон як қошуқ омехтаи гиёҳҳоро дар термос бо ним летр оби ҷўш намоед. Баъд 20 дақиқа дам хўрдан аз дока гузаронида, ним истакон давои мазкурро бо як қошуқча асал истеъмол кунед. Саҳаргоҳон ҷўшобаро гарм карда,бо он як қошуқча асал ҳамроҳ намоед. Давои мазкурро 15-20 дақиқа пеш аз хўрок истеъмол кунед. Муолиҷаро то тамом шудани орди гиёҳҳои дар боло зикршуда идома диҳед.
Барои пешгирии сакта ва инсулт
-Ҳар рўз 1-2 дона себ хўред.
-Шоколад истеъмол кунед. Он гардиши хунро хуб мекунад.
-Бо мақсади муҳофизати системаи дилу рагҳо аз омилҳои ноқулайи экологӣ ҳаррўз 2-3 дона афлесун бихўред. Мандарин ҳам чунин хосият дорад. лекин аз ҳама бештар грейпфрут фоидаовар аст. Грейпфрут фишори хуну сатҳи холестеринро паст намуда, дилро аз сакта ҳифз менамояд.
-Соатро дар дасти чап набандед, зеро ба воситаи банди соат рагҳои хунгарди ба дилраванда танг мешавад. Ин бештар ба мардон дахл дорад. Соатро бо дасти рост гузаронида ба организми худ кўмак намоед.
-Як ду қошуқ чойи сабзро орд карда, ҳарўза бо хўрок омехта кунед. Ҳамин тавр шумо ҳолати рагҳои хунгардро хуб менамоед.
-Бардавом хоида гаштани пўчоќи лимў ба дили заиф кўмак мерасонад.
Маҳмуд Сафаров, кардиолог.
