Малҳам бо тухму асал.
- Як дона зардии тухмро бо як қошуқча асал омехта, ба пўсти рўятон молед, аммо на ба атрофи чашм. Сипас, бо нармаки ангушти ишоратӣ маҳскунон баъди 15-20 дақиқа бо оби нимгарм шўед.
- Як қошуқча асал, се қошуқ шир, ду қошуқӣ шарбати караму лимўро бо ҳам омезед ва ба малҳами тайёршуда докаро тар карда, ду-се дақиқа ба пўсти рўятон гузоред. Ниқобро давоми ду ҳафта, субҳу шом ба рўятон молед.
- Як қошуқча дилаи дар об пухтаи кадуро бо як қошуқча йогурт омехта намуда, ба рўятон молед ва баъди 15 дақиқа бо матои мулоим пок карда, бо об чайқонед.
- Як дона себи аз пўсташ ҷудокардаро аз турбтарошак гузаронида, бо се қошуқча шир омехта намоеду ғайр аз атрофи чашм ба рўятон молед ва баъди 15 дақиқа шўед.
Ниқобҳо барои рўй
- Як картошкаи ҳаҷмаш миёнаро аз турбтарош гузаронда, дар дока гиреду 20 дақиқа дар атрофи чашмонатон нигоҳ доред. Ин амалро ҳафтае ду маротиба анҷом диҳед, варамро гардонида, сўрохиҳоро махкам мекунад.
- Ними бананро бо як қошуқча равғани маска омехта, ба атрофи чашмонатон молед ва баъди 20-25 дақиқа шўед, варамҳоро мегардонад.
- Шаммаи чойи кабудро дарҳол напартофта, ба рўятон монед ва баъди 20 дақиқа шўед. Антиоксиданти табиӣ буда, пўсти рўйро аз нуқтаҳои сиёҳ тоза мекунад.
- 8 дона сирпиёзи мисли атоламонанд кўфташударо бидуни атрофи чашм ба рўятон молед ва баъди 15 дақиқа шуста, малҳами нармкунанда молед.
Нигоҳубин ва машқи дастон
- Ба дастонатон малҳами махсуси барои дастон муайяншударо молида, дастпўшак пўшед. Дастонатон гарму нарм шуда, рагҳои барҷастаи намоёни он нопадид мегарданд. Ин амалро ҳафтае як маротиба анҷом диҳед.
- Ҳар сари чанд вақт дастонатонро то ангуштон бо шонаи нўгҳояш кулўла шона кунед. Гардиши хун дар дасту ангуштон беҳтар мешавад.
- Ангуштони як дастро дохили ангуштони дасти дигар карда, чанд сония нигоҳ дореду кушоед.
- Барои нарм шудани пўсти хушки даст шабона андак равғани бодом молида хобед ё як қошуқ асалро бо каме равғани растанӣ махлут карда, моледу баъди 15 дақиқа шўед.
- Агар ҳар шаб самти решаи нохунҳоро дар ҳудуди як дақиқа бо равғани бодом маҳс кунед, ҷараёни хун беҳтар гардида, нохунҳоятон хўрдаву зудшикан намешаванд.
Нигоҳдории тилловорӣ
- Тилловориро дар ҷойи хушк нигоҳ доред;
- Барои дар рўи тилловорӣ доғҳои сиёҳ пайдо нашудан, пас аз истифодабарӣ онро бо матои мулоим пок кунед;
- Барои хушҷило гаштани тилловорӣ сари чанд вақт дар оби ширин тар карда, пок кунед ё дар маҳлули ½ истакон собуноба бо иловаи 1 қошуқча спирти навшодир бо чўткаи дандоншўӣ тамиз намоед;
- Ороишоти нуқравориро дар оби гарми спирти навшодирдор (1:1) гузошта шўед ва баробари хунук шудан аз об бароварда пок кунед.
- Фирўза, алмос, марворидро дар ҷойи торик нигоҳ доред, чунки дар шуои офтоб ҷилои худро гум мекунанд.
Ҳусния Ҳафизова.
