Ҳар рўз муддати зиёд назди компютер нишастан, мошин рондан, навиштану мутолиа кардан, дар офтоб бе айнаки зиддиофтобӣ гаштан чашмро хаста менамояд.
Барои рафъи хасташавии чашмон бо нарангушт ва ангушти ишоратиатон қисми болоии дар миёни ду абрў ҷойгирбудаи бинӣ ва нуқтаи дар миёнаи гўшаҳои даруни чашмон воқеъбударо фаъолтар пахш намоед. Ин амалро як дақиқа ба ҷо оред. Баъди 2-3 маротиба такрор карданатон як дақиқа танаффус намоед.
Ба таркиби ғизо низ диққат дода, ҳар рўз нимпиёлагӣ шарбати сабзӣ ва пиёзи сабз истеъмол кунед. Равғани зард ҳам биноии чашмро зиёд карда, аз хирашавӣ эмин медорад. Дар таркиби он витаминҳои А, Д, Е, С ва калтсию фосфор зиёданд. Табибон тавсия медиҳанд, ки агар кас дар як рўз ду дона бутербродро бо равғани зард истеъмол намояд, на танҳо миқдори холестеринро дар рагҳо зиёд мекунад, балки организмро аз антиоксидантҳо бой мегардонад.
Таҳияи С. АМИНИЁН
