Агар дар ҷисм оҳан нарасад…
Ҳангоми норасоии витамину минералҳо баъзе нишонаҳо дар чеҳраи инсон зоҳир мегардад. Масалан, зимни норасоии оҳан пўст хушку шахшўл шуда, ҳолати нохунҳо бад ва кас хаставу хоболуд мешавад.
Агар мис нарасад, пигментатсияи мўйи сари инсон ва пўст вайрон шуда, сатҳи чандирии он паст мегардад. Зимни норасоии витаминҳои гурўҳи В, руҳ (синк) ва сулфур муйи сар рехта, нохунҳо зудшикан мешаванд.
Ҳангоми норасоии витамини А пўсти рўю бадан хушк гардида, қувваи биноӣ заиф мегардад.
Агар витамини С нарасад, пўст шахшул гардида, дар рўй ҳар хел доғҳо пайдо мешаванд. Вақте витамини РР (ниатсин) нарасад, пўст тираранг ва хушк гардида, ранги лабон кабудча мешавад.
Агар магний нарасад, ранги рўй носолим гардида, нохунҳо зудшикан ва сабзиши мўйҳо суст мешавад.
Барои пешгирии варикоз чӣ бояд кард?
Бо мақсади пешгирии варикоз бештар ҳаракат карда, аз истифодаи лифт ва сўиистифода аз нақлиёт худдорӣ намудан лозим аст. Пойафзоли пошнааш на баландтар аз 5 сантиметр бояд пўшид. Рўзе якчанд маротиба ба гимнастика машғул бояд шуд. Дар баробари пиёдагардӣ велосипедронӣ низ дар пешгирии варикоз кумак мерасонад.
Варзиши дигари барои пешгирии варикоз муфид шиноварӣ мебошад. Он на танҳо барои пешгирии варикоз, балки барои бедтар намудани фаъолияти дилу рагҳо низ муфид аст.
С. НАҶМИДДИН
